ဆီးချိုရောဂါအတွက် ခရေရွက်

ဆီးချိုရောဂါအတွက် ခရေရွက်

ဆီးချိုရောဂါအတွက် သဘာဝဆေးနည်းများကို အမြောက်အများ တင်ပေးခဲ့ပါပြီ။ ယခုတဖန် ဆေးနည်းတစ်မျိုးကို ထပ်မံတင်ပေးပါဦးမည်။

ဒီဆေးနည်းကတော့ အလွန်ကို လွယ်ကူသက်သာပြီး အကုန်အကျနည်းသလောက် ဆီးချိုရောဂါအတွက် တကယ်ကိုထိရောက်စေသည့် ဆေးနည်းကောင်းလေး တစ်လက်ပါပဲ။

ဒီဆေးနည်းကို ဆရာတော်ဦးကုမာရ၏ ဖေ့ဘုတ်စာမျက်နှာပေါ်မှ ကိုးကား၍ မဖတ်ရသေးတဲ့ ဆီးချိုဝေဒနာရှင်များအတွက် ပြန်လည်မျှဝေခြင်း ဖြစ်ပါတယ်။

ဆရာတော်ရဟန်းအမ၏ မောင်လေးဖြစ်သူသည် ဂျပန်နိုင်ငံတွင် ဦးဏှောက်ခွဲစိပ်ရန် ဆေးရုံမှ ဆေးစစ်ကြည့်ရာ ဆီးချိုရောဂါရှိနေ၍ ခွဲစိပ်ရန်အဆင်မပြေကြောင်း၊ ထို့ကြောင့် ဆီးချိုအမြန်ပျောက်ရန် သဘာဝဆေးနည်းတစ်ခုကို ညွန်ကြားပေးခဲ့ပါတယ်။ အဲဒီဆေးနည်းအတိုင်း သောက်သုံးခဲ့၍ ဆီးချိုရောဂါများ လျှော့ကျသွား၍ ခွဲစိပ်ကုသမှုလည်း အောင်မြင်ခဲ့ပါတယ်။

ဆရာတော်ဦးကုမာရ၏ အခြားရဟန်းဒါယိကာမတစ်ဦးကလည်း ဆီးချိုအဆင့် ၃၀၀ မှ ၅၀၀ အထိ ဖြစ်နေပြီး အင်္ဂလိပ်ဆေးနှင့် အခြားဆေးမြီးတိုများဖြင့် ကုသနေသော်လည်း မသက်သာပဲရှိနေရာ ဂျပန်ဆရာဝန်ကြီးညွန်ပေးခဲ့သည့် ဟောဒီခရေရွက်ကျိုဆေးနည်းဖြင့် ယခုဆိုလျှင် ၁၅၀ အထိ ကျဆင်းသွားပြီးဖြစ်ကြောင်း သိရပါတယ်။

ဆရာဝန်ကြီးပြောပြခဲ့သည့် သဘာဝဆီးချိုသက်သာစေမည့်နည်း

(၁) ခရေရွက် ခပ်သန့်သန့် မနုမရင့်ကို လက်တစ်ဆုပ်ခန့် ခူးယူပါ။

(၂) ခရေရွက်များကို ရေစင်အောင် ဆေးကြော၍ ရေသုံးခွက်တစ်ခွက်တင် ကျိုလိုက်ပါ။

(၃) ၄င်းခရေရွက်ကျိုဆေးရည်ကို တစ်နေ့တစ်ခွက် သောက်ပေးပါ။

တစ်ပတ်ခန့် သောက်သုံးပြီးလျှင် ဆီးချိုရောဂါများ ခန္ဓာကိုယ်အတွင်းမှ သိသာစွာ လျှော့ကျသွားပါလိမ့်မည်။

ပိုက်ဆံအကုန်အကျလည်း သက်သာသလို သဘာဝဆေးနည်းဖြစ်သည့်အတွက်
ဘေးထွက်ဆိုးကျိုးလည်း မရှိပါဘူး။

ဆရာဇီဝကကြီးပြောခဲ့သလိုပါပဲ။ သစ်ပင်သစ်ရွက်တိုင်းဟာ ဆေးဖက် ၀င်ပါတယ်တဲ့။ မသိသူကျော်သွား သိသူဖော်စားဆိုတဲ့ စကားအတိုင်းပါပဲ။

ကဲ မိတ်ဆွေတို့လည်း ဒီဆေးနည်းလေးကို ဆီးချိုဝေဒနာရှင်များအတွက် မျှဝေပေးလိုက်ပါကြပါဦးနော်။

လူသားတိုင်း ကျန်းမာစွာ အသက်ရှည်နိုင်ကြပါစေ။

စောနွဲ့နေဆိုင်(ပူတာအို)
ကိုးကား ။ ။ ဦးကုမာရ

သူငယ်အိမ် စောင်းခြင်း နဲ့ ပျင်းတဲ့မျက်စိ..Astigmatism and Amblyopia

သူငယ်အိမ် စောင်းခြင်း နဲ့ ပျင်းတဲ့မျက်စိ..Astigmatism and Amblyopia

1. ကျွန်မနာမည့့် ပါ၊ အသက်က ၃၀ ပြည့် ပါတော့မယ်၊ ကျွန်မက မျက်မှန် တပ်ရပါတယ် ဆရာ၊ မျက်မှန်တပ်ရတာ ၁၅ နှစ်နီးပါးလောက် ရှိပါပြီ ဆရာ၊ တကယ်တမ်း မျက်စိရဲ့လိုအပ်ချက်က ညာဘက်က - ၆.၅ (Astigmatism - ၁.၅) နဲ့ ဘယ်ဘက်က -၂.၅ (Astigmatism - ၁) ရှိပါ တယ် ဆရာ၊ ဒါပေမယ့် အဲဒီအနေအထား အတိုင်း မျက်မှန်တပ်ရင် အကွာအဝေးချိန်လို့ မရတဲ့ပြဿနာရှိလို့၊ ညာဘက်ကို -၄ နဲ့တပ်ခိုင်းတာ နှစ်နှစ်လောက် ရှိပါပြီဆရာ၊ အခု LASIK surgery လုပ်ဖို့ မျက်စိသွား စစ်တာ ကျွန်မရဲ့ညာဘက်မျက်လုံးက lazy eye ဖြစ်နေတယ်လို့ ပြောပါတယ်၊ အဲတာကြောင့် ကုသမှု ယူရင်လည်း ဘယ်ဘက်မျက်လုံးလောက်ကောင်းနိုင်မှာ မဟုတ်ဘူးလို့ ပြောပါတယ်ဆရာ၊ ကျွန်မ သိချင်တာက အဲဒီ lazy eye က ကြာရှည်ဆို ဘာတွေဖြစ်လာနိုင်ပါသလဲ ဆရာ၊ ပြီးတော့ ကျွန်မ အခု LASIK မလုပ်ဘဲ ဒီအတိုင်းထားရင် မျက်မှန်ပါဝါ ပိုဆိုးလာနိုင်ပါသလား၊ ကျွန်မအနေနဲ့ LASIK လုပ်သင့် မလုပ်သင့် အကြံဉာဏ်ပေးပါရန် လေးစားစွာ ပန်ကြားအပ်ပါတယ် ဆရာရှင့်။

Astigmatism သူငယ်အိမ်စောင်းခြင်း

Astigmatism ဟာ မျက်လုံးက လုံးမနေလို့ဖြစ်တာပါ။ မျက်စိအမြင်အားနည်းခြင်း အမျိုးအစားတွေထဲက တခုဖြစ်တယ်။ လူတိုင်းမှာ အနည်းနဲ့အများ ရှိနိုင်တယ်။ ရောဂါဘာလို့ဖြစ်လာသလဲ ကောင်းကောင်း မသိရဘူး။ တဖြေးဖြေး ဆိုးလာနိုင်တယ်။ မျက်စိမှာ ရုပ်ပုံထင်ရတဲ့နေရာ Retina ကင်မရာ-ဖလင် လိုသဘောဆင်တဲ့ (ရက်တီနာ) ပေါ်မှာ အလင်းတန်းတွေက တိတိကျကျ မစုနိုင်ကြလို့ အမြင်ဝေဝါးနေ မယ်။ Cornea မျက်ကြည်လွှာ အခုံးမျက်နှာပြင် မူမမှန်နေတာနဲ့ Lens မှန်ဘီလူးမှာ ဖြစ်တာ (၂) မျိုးကနေ ဖြစ်စေနိုင်တယ်။

အကြောင်းခံ နှစ်မျိုးအပြင် အမျိုးအစားလဲ (၂) မျိုးရှိတယ်။ Regular ပုံမှန် နဲ့ Irregular ပုံမှန်မဟုတ်တာ။ Irregular astigmatism ပုံမှန်မဟုတ်ဆိုတာက အလင်းတန်းတွေ ဖြတ်သန်းဝင်လာတဲ့ Corneal scar မျက်ကြည်လွှာမှာ အမာရွတ်လို ဖြစ်နေရင်၊ Crystalline lens မှန်ဘီလူးမှာ Scattering ဖြစ်နေလို့ ဖြစ်ရ တဲ့ (၂) မျိုးကြောင့်သာ ဆိုရင် Standard spectacle lenses သုံးနေကြ မျက်မှန် တပ်ပေမဲ့လဲ ပြင်မရဖြ မယ်။ Contact lenses မျက်ကပ်မှန်နဲ့တော့ ရနိုင်တယ်။ Regular astigmatism အမျိုးအစားက မျက်ကြည်လွှာကနေဖြစ်တာဖြစ်ဖြစ်၊ မှန်ဘီလူးကနေ ဖြစ်တာဖြစ်ဖြစ် Toric lens မျက်မှန်နဲ့ ပြင်လို့ ရ တယ်။ အချင်းဝက်မျဉ်း ၂ မျိုးပါ မှန်ဘီလူးကို ပြောတာ ဖြစ်တယ်။

Astigmatism ရှိနေရင် အသေးစိတ်ကို မမြင်ရဘူး။ မြင်လွှာပေါ်မှာ အလင်းတန်းတွေ အတိအကျ မကျတာမှာ Vertical plane ဒေါင်လိုက် နဲ့ Horizontal plane အလျားလိုက် ၂ မျိုး ဖြစ်နေနိုင်တယ်။ တမျိုးမှာတော့ ကောင်းနေမယ်။ ဥပမာ နံရံလို ဒေါင်လိုက်ရှိတာကို ခပ်စောင်းစောင်း မြင်နေမယ်။

Regular astigmatism အဓိက (မဒီဒီယံ) မျဉ်းဟာ ဒေါင်လိုက်ရှိတယ်။ (ရပ်ဘီ) ဘော၊ အမေရိကန် ဘောလုံးကို
1. Against-the-rule astigmatism ထောင်ထားတာ၊
2. With-the-rule astigmatism လှဲထားတာ၊
3. Oblique astigmatism ခပ်စောင်းစောင်းအနေတာ နဲ့
4. Irregular astigmatism မညီမညာတာ (၄) မျိုးရှိတယ်။

• With-the-rule astigmatism အတွက် Minus cylinder အနုတ် (ဆလင်ဒါ) ကို Horizontal axis ရေပြင်ညီမျဉ်းမှာ ထားပေးရတယ်။
• Against-the-rule astigmatism အတွက် Plus cylinder အပေါင်း (ဆလင်ဒါ) ကို Horizontal axis ရေပြင်ညီမျဉ်းမှာ ထားပေးရတယ်။ ဒါမှမဟုတ်
• Minus cylinder အနုတ် (ဆလင်ဒါ) ကို Vertical axis ဒေါင်လိုက်ထားပေးရတယ်။
• ကလေးတွေမှာ With-the-rule astigmatism အဖြစ်များပြီး အသက်ကြီးသူတွေမှာ Against-the-rule astigmatism အဖြစ်များတယ်။
• Axis ဝန်ရိုးကို ဒီဂရီနဲ့ဖေါ်ပြတယ်။ ဝ ကနေ ၁၈ဝ အထိ နာရီလက်တံပြောင်းပြန် ရှိမယ်။ ဝ ရော ၁၈ဝ ပါ အလည်မျဉ်းရဲ့ တဖက်စီမှာ ရှိတယ်။

မျက်စိအထူးကု ဆေးပညာအရ အမျိုးအစားကွဲတွေ ရှိပါသေးတယ်။
1. Simple hyperopic astigmatism ဆုံချက်တခုက မြင်လွှာပေါ်မှာကျနေပြီး နောက်တခုက မြင်လွှာရဲ့ နောက်မှာ ကျနေတာ၊
2. Simple myopic astigmatism ဆုံချက်တခုက မြင်လွှာရှေ့မှာကျနေပြီး နောက်တခုက မြင်လွှာပေါ်မှာ ကျနေတာ၊
3. Compound hyperopic astigmatism ဆုံချက်နှစ်ခုက မြင်လွှာနောက်မှာကျနေတာ၊
4. Compound myopic astigmatism ဆုံချက်နှစ်ခုက မြင်လွှာ ရှေ့မှာကျနေတာ၊
5. Mixed astigmatism ဆုံချက်နှစ်ခုက မြင်လွှာရှေ့မှာတခု၊ နောက်တခုမှာကျနေတာ၊

အမေရိကန် သုတေသနတခု Archives of Ophthalmology အရ ၅ နှစ်နဲ့ ၁၇ နှစ်ကြား ကလေး ၁ဝ ယောက်မှာ ၃ ယောက်နီးပါး (၂၈့၎%) မှာ ရှိနေတယ်။ နည်းနည်းဖြစ်သူတွေမှာ မသိသာပေမဲ့ ဆိုးရင် မျက်စိကြည့်မကောင်းတာဖြစ်မယ်။ Blurry vision ဝေဝပါးနေမယ်၊ Squinting စွေနေမယ်၊ Asthenopia မျက်စိမှာဖိအားများနေလို့ Fatigue အားမရှိတာ၊ Headaches ခေါင်းကိုက်တာတွေ ဖြစ်နေမယ်။ တချို့မှာ Migraine (မိုင်ဂရင်း) ခေါင်းကိုက်ရောဂါနဲ့ ဆက်စပ်နေတယ်။

Snellen chart, Keratometer, Corneal topography, Autorefractor or Retinoscopy စမ်းသပ်နည်း တွေကို သုံးပြီး စစ်ဆေးရတယ်။ ကုသမှုတွေကတော့ Eyeglasses မျက်မှန် Contact lenses မျက်ကပ်မှန် နဲ့ Refractive surgery ခွဲစိတ်နည်းတွေ ဖြစ်တယ်။

Amblyopia ပျင်းတဲ့မျက်စိ

Strabismic amblyopia ကို Lazy eye လို့ခေါ်တာ မမှန်ပါ။ Misaligned eyes (အလိုင်းမင့်) မမှန်လို့ ဖြစ်တယ်။ မျက်စိကြည့်မကောင်း ဖြစ်နေမယ်။ ရုပ်ပိုင်းကတော့ ပုံမှန်ဖြစ်နေမယ်။ ဒါမှမဟုတ် မူမမှန် ဖေစ်နေတာနဲ့ မမျှဖြစ်နေမယ်။ လူဦးရေရဲ့ ၁-၅% အထိရှိတယ်။ Optic nerve အမြင်အာရုံကြောကနေ ဦးနှောက်ဆီကို ပို့လွှတ်မှုမှာ လုံးဝမလုပ်တာ၊ ဒါမှမဟုတ် အားနည်းတာ ဖြစ်နေတယ်။ တခါတလေ Double-vision နှစ်ရုပ်မြင်တာ မဖြစ်ရလေအောင် အရုပ်မြင် ဖြစ်စဉ်ကို ဦးနှောက်ကနေ ခလုပ်ပိတ်သလို ရပ်ပြစ်လိုက်တာကြောင့်လဲ ဖြစ်နိုင်တယ်။

အတော်များများ ကလေးဘဝကတည်းကဖြစ်ကြတာ တွေ့ရတယ်။ တဖက်တည်း ဖြစ်နေတာများတယ်။ ၅ နှစ်မတိုင်ခင် သိလို့ ပြင်ရင်ကောင်းတယ်။ ကုသတာမှာ Spectacles မျက်မှန်တပ်တာနဲ့ Surgery ခွဲစိတ် တာ ၂ မျိုးရှိတယ်။ ဇီဝကမ္မ ဖြစ်စဉ်ကို ကြည့်ရင် ဦးနှောက်မှာ ဖြစ်တယ်။ မျက်လုံး အာရုံကြောက အကောင်းဘဲ။ မျက်လုံး မကောင်းရာကနေတော့ ဖြစ်လာနိုင်တာ ရှိတယ်။ အမြင်ကို ဖြစ်လာစေဘို့ လိုအပ်တဲ့ နှိုးဆွမှုက ဦးနှောက်မှာ ဖြစ်မလာဘူး။

ဒီလိုဖြစ်နေတာက တော်ယုံတန်ယုံဆိုရင် မခံစားရဘူး။ တဖက်က ကောင်းနေမယ်။ ဆိုးဝါးနေသူတွေမှာ Poor depth perception ခေါ်တာ ဖြစ်နေမယ်။ ပြတ်ပြတ်သားသား မမြင်နိုင်ဘူး။ လှုတ်ရှားမှုကို ကြည့် ရင်လဲ ဝေဝါးနေမယ်။ သုံးဘက်မြင်ကိုကြည့်လို့ သိပ်မကောင်းဘူး။

Congenital cataracts မွေးရာပါ တိမ်၊ Strabismus, Anisometropia, Astigmatism မျက်စိ အား မကောင်းတာတွေကနေ ဆက်ဖြစ်နိုင်တယ်။ အများအားဖြင့် အမြင်ကောင်းနေတဲ့ အဓိကအသုံးပြုတဲ့ မျက်စိဖက်မှာလာဖြစ်တယ်။ ဒါပေမဲ့ မတူတဲ့ အရုပ်နှစ်ခုကို ဦးနှောက်ကနေဖတ်တဲ့အခါ မတူလို့ ကြည့်မကောင်းဖြစ်မယ်။

Refractive or Anisometropic amblyopia ဆိုတာ မျက်စိနှစ်ဖက်က မြင်နိုင်အား မတူတာကနေ ဖြစ်နိုင်တယ်။ ဦးနှောက်ဆီကို ပုံကောင်းကောင်း ပို့ပေးနိုင်တဲ့မျက်စိက အသာစီးယူနေလိမ့်မယ်။ ကျန် တဖက်က ခပ်ဝါးဝါး ဖြစ်နေမယ်။ ကြာတော့ အမြင်စွမ်း ဖွံဖြိုးမှုက ချို့ယွင်းလာမယ်။ Refractive amblyopia အမျိုးအစားက Strabismic amblyopia လောက် မဆိုးလှဘူး။

Form-deprivation and Occlusion Amblyopia ဆိုတာ Cataracts တိမ်လို၊ Corneal scarring မျက်ကြည်လွှာအမာရွတ် (အပြင်တိမ်) လိုကနေ ဖြစ်စေတယ်။ အသက်ကြီးမှဖြစ်တာကနေ Double vision (Diplopia) အရုပ်နှစ်ခုမြင်တာ ဖြစ်စေနိုင်တယ်။ ကလေးတွေက Neuroplastic အားကောင်းလို့ အဲလိုမဖြစ်ဘူး။ ဒါပေမဲ့ ဦးနှောက် ဖွံ့ထွားမှုကို သက်ရောက်စေတယ်။

သင်တော်တဲ့ မျက်မှန်တပ်စေရမယ်။ တခါတလေ ကောင်းနေတဲ့ဖက် (အသုံးများတဲ့ဖက်) ကို Eye-patch ဖုံးတားပေတာ လုပ်ရတယ်။ တခါတလေ ကောင်းနေတဲ့ဖက်ကို သူငယ်အိမ် ကျယ်စေတဲ့ Atropine drops မျက်စဉ်းခပ်ပေးမယ်။ ဖြစ်တဲ့ အမျိုးအစားအရ ခွဲစိတ်ပေးတာလဲ လုပ်နိုင်တယ်။ Refractive surgery ခွဲစိတ်နည်းမှာ မျက်ကြည်လွှာကို ပြုပြင်ပေးတယ်။ လေဆာကိုလည်း သုံးနိုင်တယ်။

Dr. တင့်ဆွေ

" ရယ်လိုက်ကြစို့ " - ရယ်မောခြင်းသည် အကောင်းဆုံးဆေးတစ်ခွက်

" ရယ်လိုက်ကြစို့ " - ရယ်မောခြင်းသည် အကောင်းဆုံးဆေးတစ်ခွက်

ရယ်မောခြင်းသည် လှုံ့ဆော်မှုတစ်ခုခုကြောင့် တုန့်ပြန်ဖြစ်ပေါ်လာသော အမူအရာတစ်ခု ဖြစ်ပါသည်။ ဟာသတစ်ခုခုကြောင့်ဖြစ်စေ၊ အခြားသော အကြောင်းအရာတစ်ခုခုကြောင့်ဖြစ်စေ ရယ်မောခြင်းကို ပြုလုပ်ကြပါသည်။ အများအားဖြင့် ပျော်ရွှင်ခြင်း၊ ကြည်နူးခြင်း၊ စိတ်သက်သာရာရခြင်းကဲ့သို့ အကောင်းမြင် စိတ်ခံစားမှုများကို ဖော်ပြရန်အတွက် ရယ်မောခြင်းကို ပြုလုပ်ကြပါသည်။ တစ်ခါတစ်ရံ၌မူ စိတ်ကသိကအောင့်ဖြစ်ခြင်း၊ တောင်းပန်လိုခြင်း၊ သို့မဟုတ် စိတ်ရှုပ်ထွေးခြင်းတို့ကြောင့် ရယ်မော တတ်ကြပါသည်။

တစ်ချို့မှာ ကလိထိုးခံရပါက ရယ်မောတတ်ကြပြီး တစ်ဦးနှင့်တစ်ဦး လောက၀တ်ပြု သည့်အနေဖြင့်လည်း ရယ်မောကြလေ့ရှိပါသည်။ 

ကလေးငယ်လေးများသည် လူကြီးများထက် ပိုမိုရယ်မောကြပါသည်။ ကလေးငယ်တစ်ဦးသည် ပျမ်းမျှအားဖြင့် တစ်နေ့လျှင် အကြိမ် ၃၀၀ ခန့် ရယ်မောတတ်ကြပါသည်။ လူကြီးများမှာမူ ပျမ်းမျှအားဖြင့် တစ်နေ့လျှင် အကြိမ် ၂၀ ခန့်သာ ရယ်မောတတ်ကြပါသည်။ လူကြီးများ ရယ်မောခြင်းသည် တစ်ဦးနှင့်တစ်ဦး များစွာ ကွာခြားသွားနိုင်ပါသည်။

သုတေသနပြုချက်အရ ကလေးငယ်များသည် ၁၇ ရက်သားအရွယ်ခန့်ကပင် အသံထွက်ပြီး ရယ်မောနိုင်ကြကြောင်း တွေ့ရှိရပါသည်။ (ယခင် လေ့လာချက်များက လေးလသားအရွယ်တွင် စတင်ရယ်မောသည်ဟု တွေ့ရှိခဲ့သည်။) 
ရယ်မောခြင်းသည် လူမျိုး၊ ဘာသာ၊ ကျား၊ မ မရွေး တညီတညွတ်တည်း လက်ခံသုံးစွဲသော ဘာသာရပ်စကားတစ်ခုဟု ပြောမည်ဆိုလျှင် မှားအံ့မထင်ပါ။ လူတို့သည် ဘာသာစကား အမျိုးမျိုးကို သုံးစွဲပြောဆိုကြသော်လည်း ရယ်မောသည့်ပုံစံမှာမူ အတူတူပင် ဖြစ်ပါသည်။ 

ကလေးငယ်များသည်ပင် စကားမပြောနိုင်ခင်ကတည်းက ရယ်မောနိုင်သည့် စွမ်းရည်ရှိကြပါ သည်။ ဆွံ့အနားမကြားအနေဖြင့် မွေးဖွားလာသော ကလေးသူငယ်များတွင်လည်း ရယ်မောတတ်သည့် စွမ်းအားရှိနေပါသည်။

ရယ်မောခြင်းသည် နာကျင်မှုဝေဒနာကို သက်သာစေသည်ဟုဆိုပါက အံ့သြသွားပေလိမ့်မည်။ လေ့လာမှုတစ်ခု၌ ၁၀ မိနစ်ခန့် အူလှိုက်သည်းလှိုက် ရယ်မောပေးခြင်းသည် အချိန်နှစ်နာရီကြာအောင် နာကျင်ကိုက်ခဲမှုမရှိဘဲ အိပ်စက်နိုင်သည်ကို တွေ့ရပါသည်။ 

အလွန်ရှားပါးသော အာရုံကြောရောဂါ တစ်မျိုးရှိပါသည်။ Aphonogelia ဟု ခေါ်ပါသည်။ ၎င်းရောဂါ ဝေဒနာရှင်သည် ရယ်မောသောအခါ အသံထွက်ပြီး မရယ်နိုင်ဘဲ အနည်းငယ်ပြုံးရုံသာ ပြုံးနိုင်ပါသည်။

၂၀၀၅ ခုနှစ်တွင် မေရီလင်းတက္ကသိုလ်မှ သုတေသနပညာရှင်များက ရယ်မောခြင်းနှင့် သွေးကြောများ၊ ကျန်းမာခြင်းတို့သည် ဆက်စပ်မှုရှိကြောင်း ရှာဖွေတွေ့ရှိခဲ့ကြပါသည်။ 

ရယ်မောခြင်းကြောင့် သွေးကြောများ၏ အတွင်းနံရံများ ကျယ်ပြန့်သွားပြီး သွေးစီးဆင်းမှု ကောင်းစေသည်ဟုဆိုပါသည်။ ရယ်မောလိုက်သောအခါ hypothalamus (ဟိုက်ပိုသယ်လမတ်)မှ β-endorphin (ဘီတာအင်ဒေါ်ဖင်)နှင့်တူသော ဓာတ်ပစ္စည်းများ ထွက်လာပါသည်။ ၎င်း β-endorphin နှင့် တူသော ဓာတ်ပစ္စည်းများသည် သွေးကြောနံရံများမှ nitric oxide (နိုက်ထရစ်အောက်ဆိုက်) ဓာတ်ပစ္စည်းများထွက်စေပြီး ၎င်းတို့က သွေးကြောများကို ကျယ်ပြန့်စေပါသည်။ ထို့ပြင် nitric oxide ဓာတ်ပေါင်းများသည် platelet စုပုံခြင်းနှင့် ရောင်ရမ်းခြင်းကို လျော့ကျစေသည့်ဂုဏ် သတိ်္တရှိသောကြောင့် နှလုံးသွေးကြောပိတ်ခြင်းကို ကာကွယ်ပေးသည်ဟု ဆိုနိုင်ပါသည်။

ထို့ပြင် ရယ်မောခြင်းသည် စိတ်ဖိစီးမှုဖြစ်ပေါ်စေသော cortisol (ကော်တီစော) နှင့် epinephrine (အပီနပ်ဖရင်း) ဟော်မုန်းဓာတ်များကို လျော့ကျစေပါသည်။ ရယ်မောလိုက်သောအခါ ဦးနှောက်အတွင်းမှ endorphin (အင်ဒေါ်ဖင်) ဟုခေါ်သော ဓာတ်ပစ္စည်းများထွက်လာပြီး အချို့သောနာကျင်မှုဝေဒနာများကို သက်သာစေ ပါသည်။

ကလိထိုးခံရသောကြောင့် ရယ်မောခြင်းကိုမူ အချို့သောသူများက နှစ်သက်မှုမရှိကြပါ။ ကလိထိုးခံရပါက အူ လှိုက်သည်းလှိုက် ရယ်မောတတ်ကြပြီး ထိုသို့ရယ်မောခြင်းသည် ထိန်းချုပ်၍ မရသော၊ ခန္ဓာကိုယ်မှ အလိုအလျောက် တုန့်ပြန်သည့် တုန့်ပြန်မှုတစ်ခုဖြစ်ပါသည်။

လူတစ်ယောက် ရယ်မောသောအခါ ပုံမှန်အားဖြင့် “ဟား..ဟား..ဟား” သို့မဟုတ် “ဟိုး..ဟိုး..ဟိုး” ဟု ရယ်မောတတ်ကြပါသည်။ လူတစ်ယောက်သည် “ဟား..ဟိုး.. ဟား..ဟိုး” ဟု ရယ်မောရန်မှာ မဖြစ်နိုင်ပါ။ ထိုသို့ ရယ်မောနေပါက ပုံမှန်မဟုတ်ဟု ဆိုနိုင် ပါသည်။ “ဟိုး..ဟား..ဟား” သို့မဟုတ် “ဟား..ဟား..ဟိုး” ဟု ရယ်ခြင်းမှာမူ ဖြစ်နိုင်ပါသည်။ 

ရယ်မောလိုက်သောအခါ မျက်ရည်ထွက်ခြင်းသည် မျက်ရည်အိတ်များ၏ အလို အလျောက် တုန့်ပြန်မှု (reflex) ကြောင့် ဖြစ်ပါသည်။

အလွန်အမင်း ရယ်မောသောအခါ တချို့ သည် “တက်” တတ်ပါသည်။ အလွန်အကျူး ရယ်မောခြင်းကို manic-depressive ဟုခေါ် သော စိတ်ကျဝေဒနာရှိသူများတွင်လည်း တွေ့ရတတ်ပါသည်။ 

အနှစ်ချုပ်ဆိုရသော် ရယ်မောခြင်းသည် ဆေးတစ်ခွက်ဖြစ်သည်ဟု ဆိုရလောက်အောင် ကျန်းမာရေးအတွက် ကောင်းမွန်သော အကျိုးကျေးဇူးများများစွာ ရရှိစေပါသည်။ 

အကောင်းမြင်ခြင်း၊ ပျော်ပျော်နေခြင်း၊ ဟာသကို ခံစားခြင်းတို့ဖြင့် တစ်နေ့တာအချိန်များအတွင်း ရယ်မောရသည့် အချိန်ပမာဏကို တိုးပွားအောင် လုပ်ဆောင်သင့်ပါသည်။ တခစ်ခစ်ရယ်ခြင်း၊ တခိခိရယ်ခြင်း၊ တသိမ့်သိမ့်ရယ်ခြင်း၊ တ၀ါးဝါးရယ်ခြင်း၊ အူလှိုက်သည်းလှိုက်ရယ်ခြင်း စသည့် ရယ်နည်းမျိုးစုံအနက်မှ ကြိုက်နှစ်သက်ရာ နည်းလမ်းဖြင့် ရယ်မောခြင်း၏ အကျိုးအမြတ်ကို ရယူနိုင်ကြပါစေဟု ဆုမွန်ကောင်းတောင်းပေးလိုက်ပါသည်။

M.B ဒေါက်တာ
Credit to Yangon Health Guide

ကွန်ပျူတာရှေ့ အထိုင်များသော ယောက်ျားလေးများ အရိုးပျော့လာနိုင်

ကွန်ပျူတာရှေ့ အထိုင်များသော ယောက်ျားလေးများ အရိုးပျော့လာနိုင်

ကွန်ပျူတာ သို့မဟုတ် တယ်လီဗေးရှင်းကို အကြည့်များတဲ့ အမျိုးသားငယ်တွေဟာ အရိုးပျော့ခြင်းကို ကြုံတွေ့လာရနိုင်ပြီး အရိုးပွခြင်း၊ အရိုးကျိုးခြင်းတွေကိုပါ ရင်ဆိုင်ရနိုင်တယ်လို့ နော်ဝေနိုင်ငံကပြုလုပ်တဲ့ သုတေသနတစ်ခုက ဖော်ထုတ်နိုင်ခဲ့ပါတယ်။

အရိုးတည်ဆောက်ပုံဟာ မွေးကင်းစကနေ ဆယ်ကျော်သက် နှောင်းပိုင်းအရွယ်အထိ ကြီးထွားဖွံဖြိုး နေ တာဖြစ်ပြီး ဆယ်ကျော်သက် အချိန်ဟာ အရိုးကြီးထွားဖွံဖြိုးမှုနှုန်းအမြင့်မားဆုံးဖြစ်ပါတယ်။ ““ဒီအချိန် မှာ လှုပ်လှုပ်ရှားရှားမရှိဘဲ တီဗွီ၊ ကွန်ပျူတာနဲ့ဂိမ်းတွေမှာပဲ အချိန်ကုန်မယ်ဆိုရင် အ၀လွန်ခြင်းကိုသာမက အရိုးကျန်းမာရေးကိုပါ ထိခိုက်နိုင်ပါတယ်””လို့ နော်ဝေတက္ကသိုလ်မှ သုတေသီ Anne Wintheru ပြောကြား ထားပါတယ်။

လေ့လာမှုမှာ တွေ့ရှိရတာကတော့ ကွန်ပျူတာအသုံးများတဲ့ ဆယ်ကျော်သက်တွေဟာ အရိုးရဲ့ဓာတ်သတ္တု သိပ်သည်းဆ (Bone Mineral Density,BMD) ကျဆင်းလာတာပဲ ဖြစ်ပါတယ်။ ဒါဟာ အသက် ၁၅နှစ် ကနေ ၁၈နှစ်အတွင်းရှိတဲ့ ယောက်ျားလေးငယ် ၄၈၄ဦးကို သုတေသန ပြုပြီးမှ ရရှိလာခဲ့တာဖြစ်ပါ တယ်။ လေ့လာမှုမှာ ဆယ်ကျော်သက် အမျိုးသားငယ်တွေရဲ့ လိင်ပိုင်းဆိုင်ရာအင်္ဂါဖွံဖြိုးမှု၊ ကိုယ်အလေးချိန် အညွှန်းကိန်း၊ အားလပ်ချိန်မှာ ကိုယ်လက်လှုပ်ရှားမှုအခြေအနေ၊ ဆေးလိပ်၊ ယမကာမှီဝဲမှု ရှိ မရှိစတဲ့ အချက်တွေကိုပါ ထည့်သွင်း စဉ်းစားခဲ့ပါတယ်။ ဒါ့အပြင် ကွန်ပျူတာ၊ တီဗွီတွေရှေ့မှာပဲ အချိန်ကုန်များ တဲ့ ယောက်ျားလေးငယ်တွေဟာ အရိုးတွင်းဓာတ်သတ္တုသိပ်သည်းဆ နည်းပေမယ့် ကိုယ်အလေးချိန် အညွှန်းကိန်းကတော့ ၂ဆမြင့် တက်နေပါတယ်။

အပြည်ပြည်ဆိုင်ရာ အရိုးပွရောဂါဖောင်ဒေးရှင်းရဲ့ ထုတ်ပြန်ချက်အရ အသက်၅၀နဲ့အထက် အမျိုးသား ၅ယောက်မှာ ၁ယောက်ဟာ အရိုးပွခြင်းကြောင့် အရိုးကျိုးခြင်းကို ခံစားနေရတယ်လို့ သိရှိရပါတယ်။

ခရုသင်း (သို့မဟုတ်) Leukoderma (Vitiligo)

ခရုသင်း (သို့မဟုတ်) Leukoderma (Vitiligo) 

ခရုသင်း လို့ခေါ်တဲ့ Vitiligo သို့မဟုတ် Leukoderma ဘာ့ကြောင့် ဖြစ်ရတယ်ဆိုတာ တိတိကျကျ မသိသေးပါ။ ၆ဝ% က အလိုအလျောက် ရောဂါပြီးစနစ်ကြောင့် ဖြစ်ရပြီး၊ လည်ပင်းကြီးဟော်မုန်း အလုပ်ပျက်တာနဲ့လဲ ဆိုင်တဲ့သူတွေက ဆိုင်ပါတယ်။ မျိုးရိုး လိုက်တတ်တာလဲ တွေ့ရတယ်။ အရေပြားကို အရောင်ဆိုးပေးတဲ့ (ပင်ဂမင့်) ခေါ် ဆိုးဆေးပစ္စည်း ချို့ယွင်းတာ ဖြစ်ပါတယ်။ ကွက်ပြီးဖြစ်နိုင်သလို တကိုယ်လုံးလောက် ဖြစ်သူတွေလဲရှိတယ်။ တဝက်လောက်က အသက် ၂ဝ မတိုင်ခင် ဖြစ်တယ်။ (မိုက်ကယ်ဂျက်ဆင်) မှာလဲ ရှိခဲ့တာမို့ ရောဂါနာမည်တောင် MJ Skin လို့ ပြောင်းခေါ်ကြမလားဘဲ။ အရေပြား ကောင်းနေဘို့အတွက် ဗီတာမင် ဘီ၊ စီ၊ အေ၊ (အဆင်ရှယ်-အမိုင်နိုအက်စစ်)ခေါ် ပရိုတင်း၊ ကယ်လ်စီယံ၊ မက်ဂနီဆီယံ၊ သွပ်ဓါတ်၊ ကြေးဓါတ်တွေ လိုပါတယ်။ ဘာ့ကြောင့်ဖြစ်ရမှန်း မသိတဲ့ရောဂါမှန်သမျှ ကုသနည်းတွေက ပိုများတတ်ပါတယ်။ အကွက်လေးလောက် ဖြစ်တာဆိုရင် အပေါ်က ဆိုးဆေးလေး၊ မိတ်ကပ်လေးနဲ့ ဖုံးထားတာမျိုးလုပ်နိုင်တယ်။ Makeup or other cosmetic camouflage ရုပ်ဖျက်တာမျိုးပေါ့။ အပေါ်ကနေ (တက်တူး) ထိုးကွင်းမင်ကြောင် ထိုးတဲ့သူလဲ ရှိတယ်။
 များသောအားဖြင့် အရေပြား အထူးကု-ဆရာဝန်များက အားပြင်းတဲ့ Corticosteroid cream ပါတဲ့ဆေးတွေ ပေးပါတယ်။ တခါတလေ Phototherapy ခေါ်တဲ့ အလင်းရောင်နဲ့ ကုတာမျိုးလဲ လုပ်ပါတယ်။ နေရောင်မှာပါတဲ့ Long-wave ultraviolet (UVA) လှိုင်းရှည် ခရမ်းလွန် ရောင်ခြည်ကိုသုံးပြီး ကုတာပါ။ Psoralen ဆိုတာနဲ့ တွဲပေးတာမို့ PUVA လို့ခေါ်ပါတယ်။ အဲဒါမပါတဲ့ UVB Narrowband lamps (without Psoralen) နည်းကိုလဲ သုံးတာရှိသေးတယ်။ Psoralen စားဆေး ၁-၂ နာရီ စောတိုက်ရတယ်။ ဒါမှမဟုတ် လိမ်းဆေးကို နာရီဝက်ကြိုလိမ်းစေရတယ်။ အခုပိုသုံးနေတာက UVB Narrowband light at a wavelength of 311-313 nanometers ဖြစ်ပါတယ်။ တချို့ကျတော့ Immunomodulator ခေါ်တဲ့ Protopic and Elidel လိမ်းဆေးတွေကိုပါ အဲဒီ UVB Narrowband နည်းနဲ့ တွဲပေးပါတယ်။ နောက်တနည်းကတော့ 20% Monobenzone ကိုပေးတယ်။

 Chemical depigmentation လို့ ခေါ်တယ်။ ၂ဝဝ၃ တုံးက အိန္ဒိယမှာ Ginkgo biloba ကို ပါးစပ်ကနေပေးတာ ၂၅%မှာ သက်သာတာတွေ့ရတယ်။ (ဂျင်ခို) ဆိုတာ ပေ ၅ဝ-၁ဝဝ ရှည်၊ နှစ်ရှည်ခံ အရိပ်ရအပင်ကြီးမျိုးပါ။ တရုပ်လို (ယင်ဇင်း) လို့ ခေါ်ပါတယ်။ မှတ်ဥာဏ်တိုးစေတယ်ဆိုပြီး Alzheimer's Disease ဦးနှောက်ရောဂါတွေမှာလဲ သုံးပါတယ်။ အရေပြား အစားထိုးနည်းလဲ သုံးသေးတယ်။ တင်ပါးက အရောင်သဘာဝအတိုင်းရှိတဲ့ အရေပြားထဲက ပါးပါးလေးယူ၊ Melanocytes ဆိုတာကို ခွဲထုတ်ယူပြီး Ablated with a medical laser ဆေးလေဆာလို့ခေါ်တာနဲ့လုပ်ပြီး အစားထိုးတာပါ။ ၃ ပတ်ကြာရင် UV light ကို ၂ လတိတိ တွေ့ပေးရပါသတဲ့။ ၇၃%-၈၄% အောင်မြင်တယ်လို့ ၂ဝဝ၄ သုတေသနက ဆိုပါတယ်။ 

၂ဝဝ၈ စောစောပိုင်း သုတေသနအရ Black pepper ငရုတ်ကောင်းကရတဲ့ Piperine ကို UV therapy နဲ့တွဲတာ အကျိုးများကြောင်း သိရပြန်တယ်။ (အွန်လိုင်း) ကြေညာတွေမှာ ခရုသင်း အတွက် - 1. Vitises Capsules Price: $80.00 2. Free Aminos - 100 veg caps - Nutricology Price: $16.90 3. Original 10 piece super value Smart Cover-Up Kit -- "Light" Price: $29.75 4. Fenalderm Capsules Price: $105.00 5. Prograf (Tacrolimus) 6. Kalawalla for Psoriasis, Vitiligo, Dermatitis & Multiple Sclerosis (120 Capsules) 7. Kalawalla Polypodium leucotomos 50:1 standardized extract 8. Anti-Vitiligo Oil is a natural herbal recipe for re-pigmentation in vitiligo 9. Skin Laser = Upto 100 cm2 of white patch treatable in one sitting 10. MONOBENZONE – Benoquin 11. METHOXSALEN - Oxsoralen 12. TREATMENT OF VITILIGO WITH CHINESE HERBS (Compound Tablet of Tribulus, Recipe by physician Yang Hengyu, Shou Wu Decoction, External Treatment) ဆိုပြီး တွေ့နိုင်ပါတယ်။ ဒါပေမဲ့ ရိုးရိုးသားသားပြောရရင် ကုသနည်းတွေရဲ့ ထိရောက်မှုကိုမေးရင် ဖြေဘို့ခက်ပါတယ်။ 

Written by Dr. တင့်ဆွေ

ကြက်ဟင်းခါးပင်၏ ကျန်းမာရေးစွမ်းပကား

ကြက်ဟင်းခါးပင်၏ ကျန်းမာရေးစွမ်းပကား

ဆေးဖက်ဝင် ကြက်ဟင်းခါးသီး 

ကြက်ဟင်းခါးသီးဟာ ခါးပေမယ့် ဆေးစွမ်းပါတယ်

ကြက်ဟင်းခါး သီးကို ကြိုက်တဲ့ သူတွေက နည်းတော့ ရေးရမှာတောင် နည်းနည်းကြောက်တယ်။
ဒါပေမယ့်လည်း ကြိုက်တဲ့သူတွေ အတွက် ကြက်ဟင်းခါးသီးမှ ရရှိနိုင်တဲ့ ကျန်းမာရေး အကျိုး
ကျေးဇူးတွေကို မျှဝေလိုက် ရပါတယ်။ 

ကြက်ဟင်းခါး သီးဟာ ဆိုရင် ကြော်စား၍လည်း ရတယ် နောက်ပြီး ပြုတ်ပြီး ငပိချက်နဲ့လည်း 
တို့စားလို့လည်း ရတယ် အခြားသော အရာတွေနဲ့လည်း ရောနှောကာ စားလို့ ရပါတယ်။
ကြက်ဟင်းခါးသီးဟာ ကာလဝမ်းရောဂါ အတွက် ကောင်းမွန်ပါတယ်။ ဒါ့အပြင် အရက်နာ ကျခြင်းနှင့်
လိပ်ခေါင်းရောဂါကို သက်သာစေနိုင် ပါတယ်။

ဆီးချိုရောဂါကိုလည်း ကာကွယ်ပေးနိုင်တဲ့ အပြင် စွမ်းအင်လည်း တိုးစေနိုင်ပါတယ်။ 
သွေးပြဿနာ များအတွက် ကောင်းမွန်ပြီး ကိုယ်ခံစွမ်းအား ကောင်းမွန်စေနိုင်ကြောင်း 
သိရပါတယ်။
ကင်ဆာဆဲလ်များကိုလဲ နှိမ်နင်းနိုင်စွမ်းရှိ၍ ကာကွယ်ပေးပါတယ်။
 အသက်ရှုကျပ်သူများ အသက်ရှူလမ်းကြောင်း ပြဿနာများ အတွက် ကောင်းမွန်ပါတယ်။

ကြက်ဟင်းခါးပင်၏ ကျန်းမာရေးစွမ်းပကား
***************************
ခါးသက်သက် အရသာရှိတဲ့ ကြက်ဟင်းခါးသီးဟာ အပူပိုင်း စိုစွတ်တဲ့ရာသီမှာ ပေါက်လေ့ရှိပြီး အဓိကအားဖြင့် အာရှတိုင်းပြည်တွေနဲ့ တောင်အမေရိကတွေမှာ တွေ့ရပါတယ်။ အရသာက ခါးသက်တယ်ဆိုပေမယ့် ကြက်ဟင်းခါးသီးမှာ ကျန်းမာရေး အကျိုးကျေးဇူးများစွာ ရှိပါတယ်။

အာဟာရတန်ဖိုး

ကြက်ဟင်းခါးသီးမှာ ကယ်လိုရီပါ ဝင်မှု အလွန်လျော့နည်းပါတယ်။ ဒါပေမဲ့ တန်ဖိုးရှိတဲ့ အာဟာရဓာတ်တွေ အများ အပြား ပါဝင်ပါတယ်။ ဗီတာမင် B1 ၊ B2 နဲ့ B3၊ ဗီတာမင် စီ၊ မဂ္ဂနီဆီယမ်၊ ဖော လစ်အက်စစ်၊ ဇင့်(သွပ်)၊ ဖော့စ်ဖရပ်စ်၊ မဂ္ဂနိစ်နဲ့ အမျှင်ဓာတ်တို့ ကောင်းစွာ ပါ ဝင်နေပါတယ်။ သံဓာတ်ပါဝင်မှု များပြီး ဘီတာကယ်ရိုတင်းပါဝင်မှုဟာ ပန်းဂေါ်ဖီ စိမ်းထက် နှစ်ဆ၊ ကယ်လ်စီယမ် ပါဝင် မှုက ဟင်းနုနယ်ရွက်ထက် နှစ်ဆနဲ့ ပို တက်စီယမ်ပါဝင်မှုက ငှက်ပျောသီးထက် နှစ်ဆ အသီးသီး ပါဝင်နေပါတယ်။ ကြက် ဟင်းခါးသီးမှာ သွေးတွင်း သကြားဓာတ် ကို ကျစေတဲ့ အာနိသင်ရှိသလို Polypeptide P လို့ခေါ်တဲ့ အင်ဆူလင်လို ဒြပ် ပေါင်းတစ်မျိုးလည်း ပါဝင်တာကြောင့် ဆီး ချိုရောဂါရှိသူတချို့အတွက် ကောင်းကျိုး ရှိကြောင်း လေ့လာသူတွေက ဆိုပါတယ်။

ကျန်းမာရေး အကျိုးကျေးဇူးများ

(၁) သွေးပြဿနာများ

ကြက်ဟင်းခါးသီးအရည်ဟာ သွေး ဆိပ်သင့်တာကြောင့်ဖြစ်တဲ့ အနာနဲ့ ယား ယံမှုတွေကို ကုသရာမှာ အလွန်အကျိုး ကျေးဇူးများပါတယ်။ လတ်ဆတ်တဲ့ ကြက် ဟင်းခါးသီးအရည်ကို သံပရာရည်နဲ့ ရောကာ အစာမရှိချိန် ဖြည်းဖြည်းချင်း ငုံပြီး နေ့စဉ်သောက်ပေးရင် ၄-၆လ အ ကြာမှာ သိသာတဲ့ တိုးတက်မှုကို တွေ့ရပါ တယ်။

(၂) ကာလဝမ်းးရောဂါ

ကာလဝမ်းရောဂါ အစောပိုင်းအ ဆင့်မှာ ကြိတ်ခြေထားတဲ့ ကြက်ဟင်းခါး ရွက် လက်ဖက်စားဇွန်း နှစ်ဇွန်းနဲ့ ကြက် သွန်နီအရည် လက်ဖက်စားဇွန်း နှစ်ဇွန်း၊ သံပရာရည် လက်ဖက်စားဇွန်း တစ်ဇွန်း တို့ကို ဆတူရောပြီး နေ့စဉ် သောက်ပေး ပါ။

(၃) အမျိုးအစား

(၂) ဆီးးချိုရောဂါ

ကြက်ဟင်းခါးသီးမှာ ပါတဲ့ အပင် ထွက်အင်ဆူလင်ဟာ ဆီးနဲ့ သွေးထဲက သကြားဓာတ်ကို လျော့ကျစေတဲ့ အကျိုး ကျေးဇူး ရှိပါတယ်။ ကြက်ဟင်းခါးသီးဟာ သွေးတွင်း အင်ဆူလင်အဆင့်ကို တိုးစေ တာမျိုး မရှိဘဲ ဂလူးကို့စ်ခံနိုင်ရည်ရှိမှုကို သိသိသာသာ ကောင်းမွန်စေတာ ဖြစ်ပါ တယ်။
(၄) စွမ်းအင်

ကြက်ဟင်းခါးသီး အရည်ကို ပုံမှန် သောက်ပေးတာကြောင့် စွမ်းအင်နဲ့ သက် လုံကို ကောင်းမွန်စေပါတယ်။ နှစ်နှစ် ခြိုက်ခြိုက် အိပ်မောကျစေပါတယ်။

(၅) မျက်စိပြဿနာများ

ကြက်ဟင်းခါးသီးမှာ ဘီတာကယ်ရို တင်းနဲ့ တခြားအာနိသင်တွေ ပါဝင်မှု မြင့် မားတာကြောင့် မျက်စိပြဿနာတွေကို ကင်းဝေးစေပြီး အမြင်အာရုံကို တိုးတက် ကောင်းမွန်စေပါတယ်။

(၆) အရက်နာကျခြင်း

ကြက်ဟင်းခါးသီးအရည်ဟာ အ ရက်နာကျတဲ့ ဝေဒနာကို ကုသရာမှာ ကောင်းကျိုး ရှိပါတယ်။ အရက်သောက် တာကြောင့်ဖြစ်တဲ့ အသည်းဝေဒနာ တွေကို ပြုပြင်ပေးပြီး အသည်းကို သန့် စင်စေပါတယ်။

(၇) ကိုယ်ခံစွမ်းအား ကောင်းမွန်ခြင်း

ကြက်ဟင်းခါးသီးအရည်ဟာ ကိုယ် ခံစွမ်းအားစနစ်ကို ကောင်းမွန်အောင် တည်ဆောက်ပေးပြီး ခန္ဓာကိုယ်ရဲ့ ရောဂါ တွန်းလှန်နိုင်စွမ်းကို ကောင်းမွန်စေပါတယ်။

(၈) လိပ်ခေါင်း

ကြက်ဟင်းခါးရွက်ကရတဲ့ အရည် လက်ဖက်စားဇွန်း သုံးဇွန်းကို ထောပတ်၊ နို့ တစ်ဖန်ခွက်နဲ့ ရောကာ နံနက်တိုင်း အစာမရှိချိန်မှာ သောက်ပေးရင် တစ်လအကြာမှာ သက်သာသွားပါလိမ့်မယ်။ လိပ်ခေါင်းက နာကျင်နေရင် ကြက်ဟင်းခါးပင်ရဲ့ အမြစ်ကို စေးပျစ်အောင် ကြိတ်ပြီး လိပ်ခေါင်းပေါ်မှာ အုပ်ပေးပါ။

(၉) ဆိုးရီးယေးစစ်အရေပြားအနာ

ကြက်ဟင်းခါးရွက်အရည်ကို ပုံမှန် သောက်ပေးရင် ဆိုးရီးယေးစစ်နဲ့ တခြား ဖန်းဂပ်စ်မှိုစွဲတဲ့ အရေပြားအနာတွေကို သက်သာစေပါတယ်။

(၁၀) အသက်ရှူလမ်းကြောင်း ပြဿနာများ

လတ်ဆတ်တဲ့ ကြက်ဟင်းခါးသီး အရည် နှစ်အောင်စနဲ့ ရေရောထားတဲ့ ပျားရည်တစ်ခွက်ကို ရောသောက်ပေးရင် ပန်းနာရင်ကျပ်၊ လေပြွန်ရောင်တာ စတဲ့ အသက်ရှူလမ်းကြောင်း ဝေဒနာတွေကို သက်သာစေပါတယ်။ သတိပြုရန် ဆီးချိုကုသဆေးသောက်နေတဲ့ ဆီးချိုရောဂါရှိသူတွေအနေနဲ့ ကြက်ဟင်းခါးအရည် မသောက်ခင် ဆရာဝန်နဲ့ တိုင်ပင်ပါ။ ကိုယ်ဝန်ဆောင်တွေအနေနဲ့ ကြက်ဟင်းခါးသီးကို အလွန်အမင်း စားသောက်တာမျိုး ရှောင်သင့်ပါတယ်။


Ref ကျန်းမာရေး website များမှ စုစည်းမှု

HIV ပိုး ရှိနိုင်မှန်း သိနိုင်တဲ့ လက္ခဏာများ

HIV ပိုး ရှိနိုင်မှန်း သိနိုင်တဲ့ လက္ခဏာများ

 ခန္ဓာကိုယ်ထဲကို HIV ပိုး ၀င်ရောက်ခံသူတွေရဲ့ ၄၀% မှ ၉၀% ဟာ တစ်လမှ နှစ်လအတွင်း Acute retroviral syndrome လို့ခေါ်တဲ့ တုပ်ကွေးရောဂါလိုမျိုး လက္ခဏာဖြစ်ပေါ်တတ်ပါတယ်။ တခါတရံမှာ HIV ရောဂါပိုး ၀င်တဲ့ လက္ခဏာဟာ နှစ်ပေါင်းများစွာ ဒါမှမဟုတ် ဆယ်စုနှစ် ထိတောင် မပေါ်ပေါက်ပဲ ရှိနေတတ်ပါတယ်။ ဒါကြောင့် HIV ရောဂါပိုးရှိနေသူ ငါးယောက်မှာ တစ်ယောက်နှုန်းဟာ သူတို့မှာ ပိုးရှိမှန်း မသိကြပါဘူး။ ပိုးရှိမရှိ သွေးစစ်ဆေးကြည့်ဖို့က အရေးကြီးပါတယ်။ 

အထူးသဖြင့် မိမိ အိမ်ထောင်ဖက်အပေါ် သစ္စာမရှိဘဲ အခြားသူတွေနဲ့ အကာအကွယ်မဲ့ လိင်ဆက်ဆံမှု ပြုသူတွေနဲ့ မူးယစ်ဆေးကို အကြောဆေးအဖြစ် ထိုးသွင်းသူအနေနဲ့ HIV ပိုးအတွက် စစ်ဆေးမှုပြုလုပ်ဖို့က လိုအပ်ပါတယ်။ အောက်ပါတို့ဟာ HIV ပိုး ရှိနိုင်မှန်းသိနိုင်တဲ့ လက္ခဏာ တစ်ချို့ပါ။
 ၁။ အဖျားရှိခြင်း HIV ပိုးဝင်ရောက်တဲ့ ပထမဦးဆုံ လက္ခဏာအနေနဲ့ အဖျားရှိတာပါ။ 102ံ လောက်ထိရှိ တတ်ပါတယ်။
မောပန်းတာ၊ အကျိတ်ရောင်တာနဲ့ လည်ချောင်းနာတာတွေပါ တွဲပြီး ဖြစ်တတ် ပါတယ်။ ဗိုင်းရပ်စ် ပိုးဟာ သွေးအတွင်းရွှေ့လျားနေပြီး အများအပြား ပေါက်ဖွားလာတဲ့အခါ ခုခံအားစနစ်တုံ့ပြန်တာကြောင့် ဖြစ်ပေါ်တဲ့ လက္ခဏာပါ။ 
၂။ မောပန်းခြင်း ခုခံအားစနစ်ရဲ့ တုံ့ပြန်မှုကြောင့် မောပန်းတဲ့ဝေဒနာ ခံစားရနိုင်ပါတယ်။ မောပန်းတာဟာ HIV ပိုးရှိတဲ့ ပထမနဲ့ နောက်ဆုံး လက္ခဏာလဲ ဖြစ်နိုင်ပါတယ်။
 ၃။ ကြွက်သားနဲ့ အဆစ်တွေ နာကျင်ကိုက်ခဲခြင်း HIV ပိုးဝင်ရောက်တဲ့ လက္ခဏာဟာ တုပ်ကွေးနဲ့ မှားယွင်းတတ်ပါတယ်။ တစ်ခါတစ်ရံမှာ ကာလသားရောဂါ သို့မဟုတ် အသည်းရောင်ရောဂါနဲ့လဲ မှားယွင်းတတ်ပါတယ်။ အဲဒီရောဂါတွေ အားလုံးမှာ အဆစ်နဲ့ ကြွက်သား ကိုက်ခဲနာကျင်တာ၊ အကျိတ်တွေ ရောင်တာတွေ ဖြစ်ပေါ်တတ်လို့ပါ။ ခန္ဓာကိုယ်တွင်း ပိုးဝင်ရောက်တာကြောင့် ခန္ဓာကိုယ်ရဲ့ တုန့်ပြန်မှုကြောင့် အကျိတ်ရောင်တာ ဖြစ်ပြီး များသောအားဖြင့် လည်ပင်း၊ ချိုင်းနဲ့ ပေါင်ခြံနေရာက အကျိတ်တွေမှာ ရောင်ရမ်းနေတတ်ပါတယ်။ 
၎။ လည်ချောင်းနာခြင်း၊ ခေါင်းကိုက်ခြင်း လည်ချောင်းနာတာနဲ့ ခေါင်းကိုက်တာဟာလည်း အကျိတ်ရောင်တာလိုပဲ HIV ပိုးဝင်ရောက်တဲ့ တခြားလက္ခဏာပါ။ 
၅။ အရေပြားတွင် အဖုအပိမ့်ပေါက်ခြင်း အရေပြားမှာ အဖုအပိမ့်ပေါက်တာဟာလည်း HIV ပိုးဝင်ရောက်တဲ့ စောစောစီးစီး လက္ခဏာ ဒါမှမဟုတ် နောက်ကျတဲ့ လက္ခဏာတွေ ဖြစ်နိုင်ပါတယ်။ ပြည်တည်နာလိုမျိုး အနာတွေဟာ လက်မောင်းနဲ့ ခန္ဓာကိုယ် အတွင်း ပေါက်နေတတ်ပါတယ်။ 
၆။ ပျို့ခြင်း၊ အန်ခြင်း၊ ၀မ်းသွားခြင် HIV ပိုးဝင်ရောက်သူ ၃၀% မှ ၆၀% ဟာ ပျို့တာ၊ အန်တာ ဒါမှမဟုတ် ၀မ်းပျက် တာတွေဖြစ်တတ်ပါတယ်။
 ၇။ ကုိုယ်အလေးချိန် ကျဆင်းခြင်း HV ပိုးဝင်ရောက်တာကြောင့်ဖြစ်တဲ့ AIDS ရောဂါရဲ့ နောက်ဆုံးအဆင့်ကြောင့် ဖြစ်နိုင်သလို ဆိုးဆိုးဝါးဝါး ၀မ်းပျက်တာကြောင့်လည်း ဖြစ်တတ်ပါတယ်။ ကိုယ်အလေးချိန် ကျဆင်းနေတာဟာ ခုခံအားစနစ် ကျဆင်းနေတယ်လို့ မှတ်ယူရပါမယ်။ မိမိခန္ဓာကိုယ် အလေးချိန်ရဲ့ ၁၀% သို့မဟုတ် ဒါထက်ပိုပြီး ကျဆင်းကာ ၀မ်းပျက်နေပြီး ရက်ပေါင်း ၃၀ ကျော်အထိ အဖျားရှိနေမယ်ဆိုရင် HIV ပိုးဝင်ရောက်နိုင်တယ်လို့ သံသရရှိရပါမယ်။
 ၈။ ချောင်းခြောက်ဆိုးခြင်း ချောင်းခြောက်ဆိုးနေပြီး ချောင်းဆိုးပျောက်ဆေးနဲ့ တခြားဆေးဝါးတွေ အသုံးပြု ရင်တောင် မပျောက်ကင်းခဲ့ရင် HIV ပိုးရှိတယ်လို့ သံသယ ၀င်ရပါမယ်.
 ၉။ နမိုးနီးယား အဆုတ်ရောင်ရောဂါ ချောင်းဆိုးတာနဲ့ ကိုယ်အလေးချိန်ကျတာဟာ HIV ပိုးဆိုးဝါးစွာ ၀င်ရောက်တဲ့ လက္ခဏာဖြစ်ပြီး ခန္ဓာကိုယ်ရဲ့ ခုခဲအားစနစ်ကလည်း ကောင်းကောင်း အလုပ် မလုပ်နိုင်လို့ ဖြစ်ပါတယ်။ ခုခံအားစနစ် ကျဆင်း တာကြောင့် ဒါကို အခွင့်ကောင်းယူပြီး  ရောဂါ ပိုးများစွာ ၀င်ရောက်နိုင်ပါတယ်။ နမိုးနီးယားအပြင် ရေယုန်နဲ့ မှိုပိုးတွေပါ ၀င်ရောက်နိုင်ပါတယ်။ 
၁၀။ ညဘက် ချွေးထွက်ခြင်း HIV ပိုးဝင်ရောက်သူ ထက်ဝက်ခန့်ဟာ ညဘက်မှာ ချွေးထွက်တတ်ပါတယ်။ မီးယပ်သွေးဆုံးပြီးသူ အမျိုးသမီးတွေ ခံစားရတဲ့ဝေဒနာလိုမျိုးပါ။ အခန်းအပူချိန် ဒါမှမဟုတ် လေ့ကျင့်ခန်းပြုလုပ်တာနဲ့ မသက်ဆိုင်ပါဘူး။ 
၁၁။ လက်သည်း ခြေသည်းပြောင်းလဲခြင်း HIV ပိုးဝင်ရောက်တဲ့ လက္ခဏာဟာ လက်သည်းခြေသည်းတွေ တင်းပုတ်ပုံ ပြောင်းလဲတာ။ လက်သည်းကွဲတာ ဒါမှမဟုတ် လက်သည်းအရောင်ပြောင်း တာတွေ ဖြစ်တတ်ပါတယ်။ မှိုပိုးကူးစက်တာကြောင့် ဖြစ်တတ်ပြီး ခုခံအား ကျဆင်းနေတဲ့အတွက် ပိုးမွှားတွေ အလွယ်တကူဝင်ရောက်နိုင်လို့ပါ။ 
၁၂။ မှိုရောဂါပိုး ဝင်ရောက်ခြင်း မှက္ခရု ပေါက်တာဟာ HIV ပိုးရှိသူတွေမှာ ဖြစ်များပါတယ်။ ကန်ဒိတာ မှိုပိုးကြောင့် ဖြစ်ပြီး ပါးစပ် ဒါမှမဟုတ် အစာမျိုပြွန်မှာ ဖြစ်တတ်တာမို့ အစာမျိုရခက်ခဲတတ်ပါတယ်။
 ၁၃။ အာရုံစူးစိုက်ရန်ခက်ခဲခြင်း မှတ်ဥာဏ် ပြဿနာ၊ အာရုံစူးစိုက်ရ ခက်ခဲတဲ့ ပြဿနာကြောင့် စိတ်တိုလွယ်တာ ဒါမှမဟုတ် စိတ်ဆတ်တာဟာ HIV ပိုး ၀င်ရောက်ခံရတဲ့ လက္ခဏာပါ။ စာရေးတာလိုမျိုး နေ့စဉ် အလွယ်တကူ ပြုလုပ်ရတဲ့ လှုပ်ရှားမှုတွေ ပြုလုပ်ဖို့လည်း ခက်ခဲ တတ်ပါတယ်။
 ၁၄။ ရေယုန်ပေါက်ခြင်း သို့မဟုတ် လိင်အင်္ဂါ ရေယုန်ပေါက်ခြင်း ပါးစပ်ရေယုန်နဲ့ လိင်အင်္ဂါ ရေယုန်ပေါက်တာဟာ HIV ပိုးရဲ့ နောင်ဆုံးအဆင့် လက္ခဏာ တွေပါ။ ဒါ့အပြင် ရေယုန်ပေါက်တာကြောင့်လည်း HIV ပိုးကူးစက်ဖို့ ပိုလွယ်ကူသွားပါတယ်။ ရေယုန်ပေါက်တာကြောင့် အနာဖြစ်ရာမှ လိင်ဆက်ဆံ နေစဉ် အတွင်း HIV ပိုးဟာ ခန္ဓာကိုယ်တွင်း အလွယ်တကူ ၀င်ရောက်နိုင်လို့ပါ။ 
၁၅။ ထုံကျဉ်ခြင်း၊ အားနည်းခြင်း HIV ပိုးရှိနေရင် ခြေထောက်နဲ့ လက်မှာ ထုံတာတွေ ကျဉ်တာတွေ ဖြစ်တတ်ပါတယ်။ အာရုံကြော ပျက်စီးတာကြောင့် ဖြစ်ပြီး ဆီးချိုရောဂါကို မထိန်းနိုင်သူတွေမှာ ဖြစ်တတ်တာနဲ့ တူပါတယ်။
 ၁၆။ ဓမ္မတာ မမှန်ခြင်း HIV ပိုးရှိသူတွေ အနေနဲ့ ရာသီသွေးနည်းတာ၊ သွေးကျဲတာတွေ ဖြစ်တတ်ပါတယ်။ အချိန်မတိုင်ခင် မီးယပ်သွေးဆုံးတာ ဖြစ်တတ်ပါတယ်။ ပုံမှန်အားဖြင့် ၄၉ နှစ်မှ ၅၃ နှစ် အရွယ်မှာ သွေးဆုံးတတ်ပေမဲ့ HIV ပိုးကူးစက်ခံရသူတွေမှာ ၄၇ မှ ၄၈နှစ်အရွယ်မှာ သွေးဆုံးတတ်ပါတယ်။ 
Ref: ဒေါက်တာ ခင်မိုးမိုး