ရုံးပတီသီးကို မစားဖူးသူ မရှိသလောက်ပါပဲ။ ဘာလို့လဲ ဆိုတော့ ရုံးပတီသီးက စွယ်စုံရ အသီး ဖြစ်နေလို့ပါ။ အသားတစ်မျိုးမျိုး သို့မဟုတ် ကြက်ဥနဲ့ ဆီပြန်ကြော်ချက်ပြီး စားကြတာများပါတယ်။ ပဲကုလားချဉ်ရည်ဟင်းမှာလည်း ထည့်စားလို့ရသလို ရုံးပတီသီးသနပ်လည်း လုပ်စားလေ့ရှိကြပါတယ်။
ဟင်းခါးရည်လုပ်သောက်လို့ရသလို ရေနွေးနွေးနဲ့ ဖျောပြီး ခရမ်းချဉ်သီးငရုတ်သီးချက် သို့မဟုတ် ငါးပိရည်ကျို နဲ့လည်း တို့စားတတ်ကြပါတယ်။ နောက် ရုံးပတီသီးက ဘီယာဆိုင်နဲ့ အကင်ဆိုင်တွေမှာ မရှိမဖြစ် နေရာယူထားတဲ့ လူတကာ အသည်းစွဲ အကင်တစ်မျိုးအဖြစ် ရပ်တည်လို့ နေပါသေးတယ်။ ရုံးပတီသီးက ဟင်းလျာ ချက်ပြုတ်ရာမှာတင် စွယ်စုံရတာ မဟုတ်ပါဘူး ။ ကျန်းမာရေးအတွက် နေရာတော်တော်များများမှာလည်း အသုံးဝင်လှပါတယ်။
ရုံးပတီသီး (၁၀၀)ဂရမ်မှာ ကယ်လိုရီ (၁.၅%), ကာဗိုဟိုက်ဒရိတ် (၇.၀၃) ဂရမ်၊ ပရိုတင်း(အသားဓာတ်)( ၂ )ဂရမ်,အဆီဓာတ် (၀.၁) ဂရမ်၊နဲ့ အမျှင်ဓာတ် ၉%, ဖောလစ်ဓာတ် (၈၈) မီလီဂရမ်၊ နိုင်ယာစင်( ၁ )မီလီဂရမ်၊ဗီတာမင်စီ (၂၁.၁) မီလီဂရမ်၊ ဘီတာမင် အီး (၀.၃၆) မီလီဂရမ်၊ ဘီတာမင်ကေ (၅၃)မီလီဂရမ်၊ကယ်လ်စီယမ် (၈၁) မီလီဂရမ်၊ သွပ်ဓာတ် (၀.၀၉၄ )မီလီဂရမ်၊ သံဓာတ် (၀.၈) မီလီဂရမ်၊ မဂ္ဂနီစီယမ် (၅၇) မီလီဂရမ်၊ မဂ္ဂနိစ် (၀.၉၉ )မီလီဂရမ်၊ ဖော့စပေါ့ဓာတ် (၆၃) မီလီဂရမ် နဲ့ ဇင့် (၀.၆) မီလီဂရမ် ပါဝင်ပါတယ်။
ရုံးပတီသီး၏ ကျန်းမာရေးအသုံးဝင်ပုံများ
၁။ အစာကြေ ဝမ်းမှန်စေခြင်း
ရုံးပတီသီးမှာ အမျှင်ဓာတ်များစွာနဲ့ ပျစ်ချွဲရည်တွေ ပါဝင်ပါတယ်။ ရုံးပတီသီးကို စားခြင်းအားဖြင့် အစားအစာ တွေကို ကြေညက်စေပြီး အစာမကြေတာကို သက်သာကာ ဝမ်းမှန်စေပါတယ်။ ရုံးပတီသီးမှာပါတဲ့ Pectin ဆိုတဲ့ အမျှင်ဓာတ်ကြောင့် အူတွင်းက အညစ်အကြေးတွေရဲ့ ရွေ့လျားမှုကို အဆင်ပြေချောမွေ့စေပြီး ဝမ်းချုပ်ခြင်းမှ ကာကွယ်ပေးပါတယ်။ရုံးပတီသီးက သဘာဝကပေးတဲ့ ဝမ်းမှန်ဆေးပါပဲ။
၂။ဆီးချိုသမားတွေအတွက် သဘာဝဆေးစွမ်းကောင်းတစ်လက်
ရုံးပတီသီးမှာ အင်ဆူလင်ဆေးလို အစွမ်းသတ္တိ တွေရှိနေပါတယ်။ အင်ဆူလင်ဆေးဆိုတာ ဆီးချိုသမားတွေမှာ အသုံးပြုတဲ့ ထိုးဆေးပါ။ ရုံးပတီသီးမှာပါတဲ့ Eugenol ဆိုတဲ့ အမျှင်ဓာတ်ဟာ အူအတွင်းမှ သကြားဓာတ် စုပ်ယူမှုကို ထိန်းသိမ်းပေးကာ သွေးတွင်းရှိ သကြားဓာတ် လွန်ကဲစွာ မြင့်တက်လာခြင်းကို ကာကွယ်တားဆီးပေးပါတယ်။
၃။ကိုယ်ဝန်ဆောင်တွေ နေ့စဉ် စားသုံးသင့်တဲ့
မီးဖိုချောင်မှ ဆေးတစ်လက်
ရုံးပတီသီးမှာ ပါဝင်တဲ့ ဖောလစ်ဓာတ်နဲ့ အာဟာရတန်ဖိုးတွေက ကိုယ်ဝန်ရခြင်းကို ကူညီပေးနိုင်သလို သန္ဓေသားရဲ့ ဦးနှောက် ဖွံ့ဖြိုးခြင်းကို ကူညီပေးရုံသာမက ကိုယ်ဝန်ပျက်ကျခြင်းကို တားဆီးပေးပြီး ကလေးတွေမွေးလာတဲ့အခါ အာရုံကြောဆိုင်ရာ ချွတ်ယွင်းချက်တွေ ပါမလာအောင် တားဆီးကာကွယ်ပေးနိုင်ပါတယ်။ကိုယ်ဝန်ဆောင်စဉ် ရုံးပတီသီးကို ပုံမှန်စားရင် ဝမ်းချုပ်ခြင်းကို သက်သာစေပါတယ်။
၎။အရိုးတွေကို သန်မာစေခြင်း
ရုံးပတီသီးမှာပါတဲ့ ကယ်လ်စီယမ်၊ ဘီတာမင် ကေ နဲ့ ဖော့လိတ်ဓာတ်တွေကြောင့် အရိုးတွေရဲ့ သိပ်သည်းဆကို မြင့်မားစေပြီး အရိုးတွေကို သန်မာစေကာ အရိုးပွရောဂါ မှ ကာကွယ် တားဆီးပေးပါတယ်။
၅။ပန်းနာရင်ကျပ်သမားတွေအတွက် မိတ်ဆွေကောင်း
ပန်းနာရင်ကျပ် ရောဂါဆိုတာ အဆုတ်လေပြွန်တွေ ရောင်ရမ်းပြီး အသက်ရှူရခက်တဲ့ ရောဂါတစ်မျိုးပါ။ ရုံးပတီသီးမှာပါတဲ့ အင်တီအောက်စီဒန့်၊ ဘီတာမင် စီနဲ ရောင်ရမ်းမှုကို သက်သာစေတဲ့ ဓာတ်တွေကြောင့် ပန်းနာရင်ကျပ် ရောဂါကို သက်သာစေပြီး ရင်ကျပ်တဲ့ အကြိမ်အရေအတွက်ကို လျော့ချပေးနိုင်ပါတယ်။
၆။ အသက်ရှူလမ်းကြောင်းဆိုင်ရာ ဝေဒနာတွေကို သက်သာစေခြင်း
ရုံးပတီပင်က အပွင့်နဲ့ သစ်ရွက်တွေကို ပြုတ်ပြီး သောက်ရင် အသက်ရှူလမ်းကြောင်း ရောင်ရမ်းတာ၊အဆုတ်ရောင်ရောဂါ နဲ့ အအေးမိတုတ်ကွေးရောဂါ တွေကို သက်သာစေတယ်လို့ တိုင်းရင်းဆေးဆရာတွေက ဆိုကြပါတယ်။
၇။အပူဒဏ်ကြောင့်ဖြစ်တဲ့ နွမ်းနယ်ခြင်းတွေ ကင်းဝေစေခြင်း
ရုံးပတီသီးမှာပါတဲ့ ဒြပ်ပေါင်းတွေက အပူဒဏ်
ကြောင့်ဖြစ်တဲ့ ပင်ပန်းနွမ်းနယ်ခြင်း၊ အားအင်ကုန်ခမ်းခြင်း၊ နဲ့ စိတ်ဓာတ်ကျခြင်းတွေကို သက်သာစေပါတယ်။
၈။အူမကြီးကင်ဆာဖြစ်ပွားနှုန်း လျော့နည်းစေခြင်း
ရုံးပတီသီးမှာပါတဲ့ အမျှင်ဓာတ် တွေကြောင့် ဝမ်းမှန်စေကာ အူမကြီးကင်ဆာ ဖြစ်ပွားနှုန်းကို လျော့ချပေးပါတယ်။ ရုံးပတီသီးမှာပါတဲ့ အင်တီအောက်စီဒန့်တွေက ကင်ဆာဖြစ်စေနိုငိတဲ့ ဆဲလ်များပြောင်းလဲမှုကို တားဆီးကာကွယ်ပေးပါရုံသာမက ကိုယ်ခံအားကို တိုးပွားစေကာ ရောဂါပေါင်းစုံမှ ကာကွယ် ပေးနိုင်ပါတယ်။
၉။အဝလွန်ခြင်းမှ ကင်းဝေးစေခြင်း
ရုံးပတီသီးမှာ ကယ်လိုရီ အနည်းငယ်သာ ပါဝင်ပြီး အမျှင်ဓာတ် များစွာ ပါဝင်ပါတယ်။ အမျှင်ဓာတ်တွေက အစာမွတ်သိပ်မှုကို တားဆီးပေးပြီး မကြာခဏ အစာစားချင်စိတ်ဖြစ်ခြင်းမှ ကင်းဝေးစေပါတယ်။
၁၀။သွေးအတွင်းအဆီ ကျစေခြင်း
ရုံးပတီသီးမှာပါဝင်တဲ့ Pectin ဆိုတဲ့ အမျှင်ဓာတ်က ခန္ဓာကိုယ်တွင်းက မကောင်းတဲ့ အဆီတွေကို ကျစေကာ သွေးကြောကျစ်မာခြင်း၊ သွေးတွင်းအဆီ ပိတ်ခြင်းတွေကို တားဆီးပေးခြင်း အားဖြင့် နှလုံးရောဂါ ဖြစ်ပွားနှုန်းကို လျော့ကျစေပါတယ်။
၁၁။အရေပြားကို လှပစေခြင်း
ရုံးပတီသီးကိုစားခြင်းအားဖြင့် ဝမ်းမှန်စေသလို ကြည်လင် သန့်ရှင်းတင်းရင်းတဲ့ အရေပြားကိုလည်း ရရှိစေပါတယ်။ ရုံးပတီသီးမှာပါတဲ့ အမျှင်ဓာတ် နဲ့ ဘီတာမင်စီတွေက အရေပြားတစ်ရှူးတွေ ပြုပြင်ရာမှာ အကူအညီ ပေးပါတယ်။ အရေပြားပေါ်က အစက်အပြောက်တွေနဲ့ ဝက်ခြံထွက်ခြင်းတွေကို လျော့နည်း စေပါတယ်။
၁၂။ ယားယံခြင်းကင်းတဲ့ ဦးရေပြားနဲ့ သန်မာတဲ့ ဆံပင်ကို ရရှိစေခြင်း
ရုံးပတီသီးမှာပါတဲ့ ဘီတာမင်တွေကြောင့် ဆံပင်ကို ကျန်းမာ သန်စွမ်းစေပါတယ်။ရုံးပတီသီးကို ထက်ခြမ်းခြမ်း ရေနွေးနွေးနဲ့ ပြုတ်၊သံပုရာရည်ထည့်ကာ ထွက်လာတဲ့ ပျစ်ချွဲရည်တွေကို ဆံပင်နဲ့ ဦးရေပြားကို လိမ်းပေးပါက ဦးရေပြားရဲ့ ရေဓာတ်ကို ထိန်းပေးပြီး ဦးရေပြားခြောက်သွေ့ယားယံခြင်းနဲ့ ဗောက်ထခြင်းတွေမှ ကင်းဝေးစေပါတယ်။
၁၃။မျက်လုံးရောဂါများမှ ကာကွယ်ပေးခြင်း
ရုံးပတီသီးမှာပါတဲ့ ဘီတာကာရိုတင်း၊ လူတိန်း ၊ ဇန်သင်း ဓာတ်တွေက အမြင်အာရုံကို တိုးပွားစေကာ ရေတိမ်ရောဂါနဲ့ အတွင်းတိမ်ရောဂါတွေမှ ကာကွယ်ပေးပါတယ်။
၁၄။သွေးအားတိုးစေခြင်း
ရုံးပတီသီးမှာပါတဲ့ သံဓာတ်၊ ဖောလစ်အက်ဆစ်နဲ့ ဘီတာမင်ကေ တွေက ဟေမိုဂလိုဘင် ဖြစ်ပေါ်ရာမှာ ကူညီပေးပါတယ်။ ဟေမိုဂလိုဘင် ဆိုတာ သွေးနီဥမှာပါတဲ့ အောက်ဆီဂျင်သယ် ပစ္စည်းလေးပါ။ ဒါ့အပြင် သွေးနီဥ ထုတ်လုပ်မှုကို တိုးတက်စေကာ သွေးအားနည်းရောဂါဖြစ်ခြင်းမှ တားဆီးပေးနိုင်ပါတယ်။
၁၅။ အစာအိမ်အနာကို သက်သာစေခြင်း
ရုံးပတီသီးမှာပါတဲ့ ပျစ်ချွဲအရည်တွေက အယ်ကာလီ ဓာတ်ပါ။ဒါကြောင့် အစာချေအက်ဆစ်အထွက်များပြီး ဖြစ်တဲ့ အစာအိမ်အနာတွေကို သက်သာစေပါတယ်။
၁၆။မျိုးပွားအဂါင်္ရောဂါ တချို့ကို သက်သာစေခြင်း
ရုံးပတီသီးကိုစားခြင်းအားဖြင့် ကာလသားရောဂါ ၊ဆီးပူညောင်းကျရောဂါ ၊ မိန်းမကိုယ်မှ အဖြူဆင်းခြင်း၊ ဆီးသွားတဲ့အခါ နာကျင်ခြင်း၊ ရာသီသွေးဆင်းတာ များခြင်းတွေကို သက်သာစေတဲ့အပြင် လိင်မှုကိစ္စကို မြှင့်တင်ပေးနိုင်ပါတယ်။
၁၇။အသားဓာတ်ပါတဲ့ သစ်သီး
ရုံးပတီသီးရဲ့ အစေ့တွေမှာ ပရိုတင်း ဓာတ်များစွာပါဝင်နေပါတယ်။ Tryptophan ,Cystine ဓာတ်တို့လို အမိုင်နိုအက်ဆစ်ဓာတ်တွေ ပါဝင်နေပါတယ်
၁၈။ရောဂါမျိုးစုံမှ ကာကွယ်ပေးခြင်း
ရုံးပတီသီးမှာပါတဲ့ ဘီတာမင်စီ နဲ့ Anti oxidant (ဓာတ်တိုးဆန့်ကျင်ဒြပ်ပေါင်း)တွေက ခန္ဓာကိုယ်ရဲ့ ရောဂါခုခံကာကွယ်ရေးစနစ်ကို အားမြှင့်ပေးကာ အအေးမိတုတ်ကွေးရောဂါ၊ကျောက်ကပ်ရောဂါ၊ အသည်းရောဂါနဲ့ တခြားရောဂါတွေ အလွယ်တကူ ဝင်ရောက် မလာအောင် တားဆီး ပေးပါတယ်။
ရုံးပတီသီးတွေကို ဈေးထဲမှာ အလွယ်တကူ ဝယ်ယူရရှိနိုင်ပါတယ်။ အစာလည်းဆေး ဆေးလည်းအစာ ဆိုသလို ငွေကြေးတန်ဖိုး သိပ်မကုန်ကျစေဘဲ ရုံးပတီသီးကို ပုံမှန်စားခြင်းဖြင့် အဖိုးမဖြတ်နိုင်တဲ့ ကျန်းမာရေးအကျိုးကျေးဇူးတွေကို ရယူကြပါစို့လား။
ဟမ်စိုင်း(ဆေး-မန်း)
No comments:
Post a Comment